Ditmol harrn sik bi uns an de School gar noch so veele Schölers för de plattdüütsche Leeswettbewarf interesseert as sunst. Wi freut uns aver, dat dor ümmer noch wölke mitmaken wüllt.

Fruu Peters hett sik de denn anhört und de beiden besten bi de Lütten un bi de Groten rutfunnen. De hebbt denn nochmol ehr Geschicht Fruu Peters vörleest. Wegen Corona harr se ditmol keen Jury dorbi.

Wunnen hett bi de föffte bit sövente Klass Vienna Schmidt ut de 5b, tweeter is Lukas Kofahl ut de 7a worrn.

Bi de achten bit teinten Klassen hett Lisa Lund ut de 8b wunnen, op de tweete Platz is Marten Brodersen ut de 9b komen.

Al veer hebbt Urkunnen un Priesen kreegen.

Vienna un Lisa warrt denn noch een Inlodung för de Landschopswettbewarf kriegen. Dorvör drückt wi de Dumens. De beiden hebbt so fein leest, dat dat wat warrn kunn.