Bi de tweete Runn vun „Schölers leest Platt“, de Landschops-Wettbewarf weer Corvin, de bi uns nu al in de teihnte Klasse geiht, in März de Tweete worrn un hett denn uk een Inladung för de drüdde Runn, de Regional-Wettbewarf kreegen. Dat is denn sotoseggn al dat Half-Final.

De is denn aver vunwegen dat Corona-Virus verschoben worrn. Nu, an de 22.Oktober kunn dat endli losgohn. Over de Schoolmeisters sünd gor nich mit inlaad woorn. Wiss, dormit dor nich to veele Lüüd op’n Dutten sitten.

Vör de Regional-Wettbewarf muss Corvin sik op dree Geschichten vörbereiten. Sien leevste Geschicht ut dat Heft weer leider nich dorbi. In Schleswig, wo de drüdde Runn denn stattfunnen hett, muss Corvin denn een Los trecken und so muss he de Geschicht „Frederike un ik“ vun Reimer Bull vörlesen. De much he vun de dree Geschichten an minsten. Liekers hett Corvin dat dor op de drütte Platz schafft. Wunnen hett denn worr de Winnerin vun de tweete Runn. Disse Deern un uk de Tweete komen nu in de letzte Runn, de Landes-Wettbewarf.

Dat is al lang her, dat vun unse School dat mol een in de drüdde Runn schafft hett un Corvin hett de letzte Runn blots knapp verpasst. De School freut sik mit Corvin to düssen Erfolg.

Dat Foto hebbt Corvin sien Öllern maakt.