Schölers leest Platt 2020

Al twee Jahrn gifft dat för ganz Schleswig-Holsteen de plattdüütsche Leeswettbewarv „Schölers leest platt“ un de Auenwaldschool mookt dor ümmer mit.

Meis as jedet Mol harrn sik bi de Lütten (5. – 7. Klass) een Dutten anmeldt. Frau Peters hett sik de al anhört un de Beste ut jedeen Johrgang rutsöcht.

De Endrunn an uns School hebbt wie denn glieks tosomen mit de Grundschool an 10. Januar bi unsen „Tag der offenen Tür“ maakt. In de Jury weern Heinrich Matzen, de vörmalige Börgermeister ut Söderfahrenstedt un twee vörmalige Lehrers vun de Auenwaldschool Elfriede Wegner, de uk mol Börgermeistersch von Stolk weer und Hans-Werner Staritz, de nu de Börgermeister vun Stolk is. De hebbt sik al Schölers anhört und denn beschnackt, wokeen an besten leest hett. Dorbi kummt dat denn op de Utspraak, dat Lesenkönen un de Utdruck an.

Wunnen hett denn in de 5.-7. Klass Lisa Lund ut de 6b, tweete is Lukas Kofahl ut de 5a worrn. För jeedeen geev dat een Urkunn un een beeten Snoopkraam. För de Tweete geevt dat uk noch Goodschiens för uns Cafereria und för de Winner Lisa geev dat noch een Goodschien för Rossmann.

Vun de Grooden (8. – 10. Klass) harr ditmal an Enn blots Corvin Schmidt ut de 9b Schnuuten dorbi mittomoken. He muss denn liekers Fruu Peters sien Geschicht vörlesen. Se weer tofreden mit em un so hett he denn uk wunnen.

Lisa un Corvin schüllt ehr Geschichten (De Slötel/ De rode Punkt)) denn uk noch mol bi de Landschaapswettbewarf vörlesen. Dorför drück wie beid de Duumens.

Veelen Dank an de Jury, de sik de Tied för uns Schöler nahmen hett.

D. Peters