Dütmal harr unse School keen Inladung kreegen, bi‘n Plattdüütschen Leeswettbewarf mit to maken. Fruu Peters hett dat man blots dörch’n Tofall mitkreegen un hett denn forts de Heften bestellt, is dör al Klassen lopen, hett de Heften verdeelt und frogt, wokeen vun de Schölers mitmaken much. Ut de teinte Klass much keeneen mitmaken. Denn hebbt al, de mitmaken wullen, Frau Peters een lüttet Stück ut ehr Geschicht vörleest und se hett denn ut jedeen Johrgang de Beste rutsöcht.

Denn hett dat an sössteinsten Dezember een lüttet Finale geben, bi dat al Johrgangssieger ehr Geschicht nochmol ganz vörlesen schullen.

Bi de fofften bit söventen Klassen is Ranga Matthiesen ut Stolkerfeld op den ersten Platz komen. He weer för twee Johrn ok al de Beste vun uns School un geiht nu in de Klass 7a. He hett wedder de Geschicht „Dat Gnadderland“ vun Detmar Dierks vörleest. Op den tweeten Platz weer Daniel Zoschke ut de 6a und op’n drütten Platz Corvin Schmidt ut de 5b.

Bi de achten bit teinten Klassen hett Anna Brodersen ut de 9a wunnen. Se kümmt ut Geelbyholt un hett de Geschicht „Wat de ool Wulf vertellt“ vun Bolko Bullerdiek vörlest. Op’n tweeten Platz weer Rieke Petersen ut de 8b. Bi de beiden weer dat ganz knapp, dat weer man blots een Punkt Ünnerscheed.

De Schöler hebbt so fein vörleest, dat dat richtig Spaß maakt hett, dor totohören.

Al de bi’n Finale dorbi weern, kreegen een Urkunn un een Tuut mit Snopkram un een lütten Goodschien för de Cafeteria. De beiden Sieger hebbt dorto noch Handysmuck kreegen. Dat is so’n lütten Stecker, de een in Kopphörerutgang steeken kann, dat dor keen Stuff rinkomen deit.

Frau Peters muss de beiden Sieger denn ok glieks an nästen Dag to‘n Schleswig-Holsteinischen Heimatbund mellen. So hett dat denn jüst noch klappt, dat unse School mitmaken kunn.

För Range un Anna geiht dat nächstet Johr noch wieder mit de Wettbewarf. Dör wüllt wi de beiden denn de Dumen drücken, dat dat dor denn ok so goot klappen deit.

Platt 15
Unse beiden besten Plattdüütschleser Anna Brodersen und Ranga Matthiesen.