In de fofften, sössten und söventen Klassen hett Frau Peters al jümmers de beiden besten Plattlesers utsöcht. Ut de achte Klass much keen vun de Schölers mitmaken, ut de negenten Klassen is blots een Schöler und ut de teinten blots een Schölerin dorbi.

Vun düsse acht schüllt nun de Beste för de Klassen fief bit söven un de Beste för de Klassen acht bit tein rutfunnen warrn. Dat schall an Dünnersdag, de 28. November Klock veer (16.00) passeren. Denn leest al Schölers ehr Geschicht nochmol vör un de Juri (Herr Jensen, Fru Wegner, Herr Andresen [allns mol Lehrers bi uns wesen], Herr Staritz und Fru Peters) söken denn de besten Lesers rut, de denn bi de Landschoppswettbewarv för uns School lesen schüllt.

All Lüüd, de dat interesseeren deit, sünd hartlich willkomen, totohören. Dat weer aver bannig nett, wenn ji vörher Bescheed seggn worrn – entweder bi Frau Peters (Tel. 04646 – 990 469) oder vörmiddags in’t Büro vun de School. Dat schall in’n Mehrzweckruum losgahn; wenn dor aver een Masse Lüüd komen wüllt, mööt wi dat in de Aula maken.

Pe